تويت
فندق العنوان دبي
السلام عليكم ورحمة الله وبركاتهمنقول للإفادة
اليوم بتكلم عن تجربتي لفندق العنوان بوسط مدينة دبي
The Address Downtown Dubai
إضغط هنا لمشاهدة موقع الفندق عن طريق قوقل أيرث
يصنف هذا الفندق من فئة الخمس نجوم
ويتميز الفندق بإطلالة خلابة للغرف المطلة لبرج خليفة ونافورة دبي و دبي مول
قضيت بالفندق ثلاث ليال ... وما خرجت عن نطاق وسط المدينة اللي تسمى بـ
Downtown
وهي المنطقة اللي يفع فيها برج خليفة، دبي مول، فنادق العنوان "وسط المدينة، دبي مول"، فندق القصر - المدينة القديمة،
إضغط هنا لمعرفة المزيد عن منطقة وسط المدينه
كان سعر الليلة مع الضرائب تقريبا 1500 ريال لليلة الواحدة
صحيح انه غالي ... بس لما دخلت الغرفة وشفت فخامتها ... وشفت البلكونه والمنظر اللي تطل عليه الغرفة
قلت والله يسوى فيه اكثر من 1500 ريال
الغرفه كانت نظيفة جدا .. وكل شي فيها جديد ... مع ان له كذا سنه مفتوح الفندق بس ما زال محافظ على صيانته وجودته
بس للأسف الفطور ما كان من ضمن الحجز ... وبالنسبه لي ما فرقت كثير لان جنبي دبي مول وفيه كوفي شوبز كثيرة ومتنوعه
اللي ما اعجبني بالغرفة، انه لما تفتح باب البلكونه، يقفل التكييف بشكل اوتوماتيكي
ولما سألتهم قالوا عشان الرطوبة ما تعدم الغرفة لما يكون التكييف شغال والباب مفتوح
التجربة السيئه لي بالفندق كان عند تبليغهم لي بالشك آوت
ما كان عندي خبر ان وقت الخروج من الفندق الساعه 12
المهم الاستقبال دق على الغرفة الساعه 11 ونص وقالوا لي هل تبي تمدد او لا؟
قلتلهم لا ... قالوا اجل الخروج الساعه 12 .. يعني بعد نص ساعه ولا ترى بنحسب عليك يوم إضافي
وانا و زوجتي كنا نايمين ويالله قمنا وضبطنا عفشنا عشان ما يوهقونا لان كنت حاجز بفندق ثاني
اول ما نزلت عندهم ... على طول قدمت شكوى عند مدير الفندق بخصوص طريقة توديعهم لي بطريقة سيئه
وقدم اعتذاره لي وقالي ان موظف الاستقبال كان لازم يعطيك خبر اول ما جيت الفندق وقبل يوم الخروج بليلة
من جد نهاية كانت سيئه ... بس مع ذلك لو بروح دبي مره ثانيه ... ما راح اسكن إلا بهذا الفندق
وهذا هو عنوان الفندق:
إعمار بوليفارد بوسط المدينة دبي
ص.ب. رقم 123234، دبي، الإمارات العربية المتحدة
تليفون: 8888 436 4 971+
فاكس: 8880 436 4 971+
بريد الكتروني downtownburjdubai@theaddress.com
والحين نبداء بالصور:
صورة للفندق من برج خليفة في منصة المشاهدة بالدور 124
منظر للفندق من داخل برج خليفة
صورة لشريط منصة المشاهدة وخلفها الفندق
وهذي صورة للفندق من دبي مول بجانب البحيرة
صورة للممر المؤدي للغرف
صورة لمنظر أحد المطاعم المطلة لبرج خليفة
لوبي الفندق "الردهه" والإستقبال
صورة للغرفة
ماكينة إسبريسو مع نكهات متعددة للقهوة بالمجان
المكتب ويوجد بالغرفة إنترنت لا سلكي مجاني ونظام صوتي لشتغيل الآي بود
فاكهه متجددة كل يوم
الحمام .. وفيه ستارة خشبية يمكن التحكم بها من داخل الحمام
صورة للمنظر المطل من بلكونة الغرفة
منظر للجلسات الخارجية للفندق بجانب المسابح
صورة مقربة لأحد الجلسات
صورة للمسبح التابع للفندق
منظر رائع جدا ما ينمل منه ابد سواء بالليل او النهار
منظر آخر للقصر - المدينة القديمة
صورة للمنظر الخلاب بالليل
بلكونه رااائعه ومساحتها جيدة جدا ويفصل بين الغرف حاجز زجاجي مثلج
يمكنك مشاهدة عروض النافورة وأنت بالغرفة
صورة لدبي مول ... على فكرة فيه مصعد خاص لساكنين الفندق يسهل عليك الوصول للمول
بعد ما رجعنا الفندق بالليل ... لقينا مضبطين الفندق بحركات رومانسيه اعجبتنا كثير
صورة لبعض الحضور ينتظرون بدء عروض النافوره
وهنا بدء العرض
أنصح الجميع انه يقعد بالكوفي شوب اللي بالدور الثاني بدبي مول و المطل على النافورة
اول شي ... المنظر احلى وتشوف بشكل واضح ... وثانيا تكون جالس ومروق وتشرب القهوه وانت تستمتع بمشاهده العروض
صورة لجسر سوق البحار
هذي صورة لفندق العنوان "دبي مول"
انا ما دخلته .. بس هو يعتبر داخل مجمع دبي مول
ان شاء الله اكون وفقت بالتقرير هذا وسامحوني على القصور